झोपडपट्टी सेलच्या शहराध्यक्ष पदी प्रा. बी. बी. शिंदे यांची निवड झाल्याने बालाजीनगर बूद्धविहार येथे त्यांचा सत्कार करण्यात आला.
प्रतिनिधी पिंपरी चिंचवड दि. ०५ ऑक्टोंबर २०२३ काल दि. ०४ ऑक्टोंबर २०२३ रोजी सायंकाळी, बालाजीनगर, भोसरी पुणे २६ येथील बूद्धविहार येथे भीमरत्न प्रा. बी. बी. शिंदे. यांचा सन्मानपूर्वक सत्कार करण्यात आला.
बालाजीनगर, भोसरी पुणे येथील बूद्धविहारामध्ये दररोज सायंकाळी “वर्षावासानिमित्त बुद्ध आणि त्याचा धम्म” या ग्रंथाचे वाचन चालू असून, आज रोजी सदरील ठिकाणच्या बौद्ध उपासक व उपासिका याचे उपस्थितीत बूद्धविहार कमिटी व सदस्य यांनी सन्मानपूर्वक, बूद्धविहार कमिटी अध्यक्ष आयु. अविनाश भालेराव, बौद्ध महासभेचे वॉर्डाध्यक्ष, आयु. पंजाबराव कटके, आणि बौद्ध महासभेचे भोसरी विभाग अध्यक्ष आयु. बापूसाहेब माने यांचे शुभहस्ते आयु. प्रा. बी. बी. शिंदे यांची काँग्रेस पक्षाचे पिंपरी चिंचवड शहराध्यक्ष कामगार नेते, डॉ. कैलास भाऊ कदम यांनी झोपडपट्टी सेलच्या शहराध्यक्ष पदी निवड केल्याबाबत सत्कार करून आनंद उत्सव साजरा केला. व साधूवाद ही करण्यात आला.
मा. भालेराव गुरुजी, मा. बापूसाहेब माने गुरुजी, मा. पंजाबराव कटके गुरुजी, यांनी मनोगत व्यक्त करून, छान प्रकारे प्रबोधनात्मक, उपासक व उपासिका यांनी भीम गीते गायली.
या वेळी बौद्ध महासभेचे भोसरी विभाग अध्यक्ष व केंद्रीय शिक्षक आयु. बापूसाहेब माने, चंदनशिवे ताई, जोगदंड ताई, येडे गुरुजी, सुधाकर घरड गुरुजी, रामलिंग धावरे, गीताराम वाघमारे, श्रीहरी वाघमारे, शालन ताई ओव्हाळ, शालन ताई भंडारे, अंतिका ताई वाघमारे, दीपाली शिंदे, कटके ताई, इ. मान्यवर उपस्थित होते.
