नाहूर ते ऐरोली उड्डाणपूल, ठाणे-मुंबईला जोडणारे 4 इंटरचेंज; केबल-स्टेड ब्रीज..
प्रतिनिधी सतिश पाटील मुंबई दि. 22 जानेवारी 2026 प्रवासाचा वेळ 75 वरून 25 मिनिटांपर्यंत
गोरेगाव – मुलुंड लिंक रोडच्या शेवटच्या टप्प्यात नाहूर ते ऐरोली या उड्डाणपुलासाठी निविदा काढण्यात आली आहे. या उड्डाणपुलाला चार इंटरचेंज असतील
मुंबईत गोरेगाव-मुलुंड लिंक रोड प्रकल्पाचं काम वेगात सुरू आहे. गोरेगाव-मुलुंड लिंक रोडच्या चौथ्या आणि शेवटच्या टप्प्याचं काम सुरू आहे. या चौथ्या टप्प्यासाठी मुंबई महानगरपालिकेने नाहूर ते ऐरोली या उड्डाणपुलासाठी 1293 कोटींची निविदा काढली आहे. नाहूर ते ऐरोली हा उड्डाणपूल 1.33 किमी लांबी आहे, ज्यामध्ये ठाणे आणि मुंबईला जोडणारे इंटरचेंज असतील.
या उड्डाणपुलामुळे ईस्टर्न एक्सप्रेस हायवे (EEH) जंक्शनवरील वाहतूक कोंडी कमी होईल. तसंच नाहूर, ऐरोली, ठाणे आणि दक्षिण मुंबई या चार दिशांना जोडणाऱ्या इंटरचेंजमुळे सिग्नल-मुक्त कनेक्टिव्हिटी मिळेल.
प्रवास अधिक सुखकर, गोरेगाव-मुलुंड लिंक रोडदरम्यान केबल ब्रिज उभारणार,
कधी सुरू होणार मार्ग?
ऐरोली उड्डाणपुलावर केबल-स्टेड पूल बांधला जाईल. बांधकाम दोन टप्प्यात करण्यात येणार आहे. पहिल्या टप्प्यात नाहूर ते ऐरोलीला जोडणारा 1.33 किमी लांबीचा उड्डाणपुलाचा समावेश आहे.
चार इंटरचेंज कुठे असतील?
तर, दुसऱ्या टप्प्यात मुंबईतील चार इंटरचेंज असतील. ठाणे-नाहूर, ऐरोली-ठाणे, मुंबई-ऐरोली आणि मुंबई-ऐरोली असे इंटरचेंज त्यात असतील. गोरेगाव-मुलुंड लिंक रोडमुळे प्रवासाचा वेळ कमी होईल. 12.2 किमी लांबीचा गोरेगाव-मुलुंड लिंक रोड, गोरेगाव येथील वेस्टर्न एक्सप्रेस हायवेला मुलुंड येथील ईस्टर्न एक्सप्रेस हायवेशी जोडेल, ज्यामुळे प्रवासाचा वेळ 75 वरून 25 मिनिटांपर्यंत कमी होईल.
गोरेगाव ते मुलुंड लिंक रोड सुस्साट, ७५ मिनिटांचा प्रवास २५ मिनिटांपर्यंत; दिंडोशी, रत्नागिरी जंक्शन, फिल्मसिटी… कसा असेल मार्ग?
हा प्रकल्प 14000 कोटी रुपयांचा असून यामुळे मुंबईत पूर्व-पश्चिम कनेक्टिव्हिटी मिळेल. यामध्ये दिंडोशी कोर्टाजवळील 1.2 किमी लांबीचा उड्डाणपूल समाविष्ट आहे, ज्याचं काम 2026 पर्यंत पूर्ण होऊन हा पूल संजय गांधी राष्ट्रीय उद्यानाखाली जुळ्या बोगद्यांपर्यंत जाईल.
चार टप्प्यांमध्ये होतंय काम
पहिल्या टप्प्यात दिंडोशी कोर्ट ते संजय गांधी राष्ट्रीय उद्यानपर्यंत 1.2 किमीचा उड्डाणपूल
टप्पा 2 मध्ये गोरेगाव पूर्व आणि मुलुंड पश्चिम येथे नवीन इंटरचेंजसह रस्ता रुंदीकरणाचा समावेश आहे.
तिसऱ्या टप्प्यात टनल बोरिंग मशीन वापरून फिल्म सिटीमध्ये 4.7 किमी लांबीचे जुळे बोगदे आणि बॉक्स बोगदे बांधण्याचा समावेश आहे.
चौथ्या टप्प्यात मुलुंडमधील वेस्टर्न एक्सप्रेस हायवेजवळ लूप आणि अंडरपाससह एक प्रमुख क्लोव्हरलीफ इंटरचेंज असेल.
