शिवशाही व्यापारी संघ व हिंदू मातंग सेनेच्या वतीने महाराष्ट्र स्थापना दिवस व जागतिक कामगार दिन मोठ्या उत्साहात साजरा..

प्रतिनिधी पिंपरी चिंचवड दि. ०२ मे २०२६ शिवशाही व्यापारी संघ, हिंदू मातंग सेना व पिंपरी चिंचवड शहर मातंग समाज यांच्या संयुक्त विद्यमाने ६६ वा महाराष्ट्र स्थापना दिवस व जागतिक कामगार दिन पिंपरी येथे मोठ्या उत्साहात व सामाजिक बांधिलकी जपत साजरा करण्यात आला.
संदिपान झोंबाडे व गुलाबराव गरूड यांच्या हस्ते साहित्यरत्न लोकशाहीर अण्णा भाऊ साठे यांच्या स्मारकास पुष्पहार अर्पण करून कार्यक्रमाची सुरुवात झाली. यावेळी संयुक्त महाराष्ट्र चळवळीतील १०६ हुतात्म्यांना व कामगार चळवळीतील सर्व श्रमिक, कष्टकरी बांधवांना अभिवादन करण्यात आले.
यावेळी शिवशाही व्यापारी संघाचे संस्थापक अध्यक्ष युवराज दाखले म्हणाले, “महाराष्ट्राच्या निर्मितीसाठी हुतात्म्यांनी बलिदान दिले. त्यांचे स्वप्न पूर्ण करण्यासाठी मातंग समाजासह सर्व वंचित, शोषित कामगार बांधवांच्या शैक्षणिक, आर्थिक व सामाजिक हक्कासाठी आम्ही सदैव कटिबद्ध आहोत. सर्वोच्च न्यायालयाने दिलेल्या अ ब क ड वर्गीकरणाच्या ऐतिहासिक निर्णयाची तातडीने अंमलबजावणी करून खऱ्या गरजू कामगारांना न्याय मिळवून देण्यासाठी आमचा लढा सुरूच राहील.”
याप्रसंगी रिक्षाचालक, हमाल, बांधकाम मजूर, सफाई कामगार, घरेलू कामगार व छोटे व्यापारी बांधवांना लाडू वाटप करण्यात आला. “जय महाराष्ट्र, जय कामगार, कामगार एकजुटीचा विजय असो” अशा घोषणा देण्यात आल्या.
दरम्यान या कार्यक्रमात साहित्यरत्न लोकशाहीर अण्णा भाऊ साठे यांच्या नावाने फाऊंडेशन दिल्ली याठिकाणी व्हावे अशी मागणी प्रा. डॉ. धनंजय भिसे यांनी केली आहे,
यावेळी भारतीय लहुजी पँथरचे संस्थापक अध्यक्ष संदिपान झोंबडे, हिंदू मातंग सेना संस्थापक अध्यक्ष अरूण जोगदंड, शिवशाही व्यापारी संघ संस्थापक अध्यक्ष तथा हिंदू मातंग सेना मुख्य प्रवक्ते तथा कार्यकारी प्रमुख युवराज दाखले, मातंग साहित्य परिषदेचे संस्थापक अध्यक्ष प्रा. डॉ. धनंजय भिसे, बहुजन विकास आघाडीचे संस्थापक अध्यक्ष संजय धुतडमल, तसेच
स्वप्नपूर्ती ग्रुपचे तथा साहित्यरत्न लोकशाहीर अण्णा भाऊ साठे प्रबोधन पर्व मा. अध्यक्ष मार्गदर्शक डी. पी. खंडाळे, रामदास कांबळे, आण्णासाहेब कसबे, शिवशाही माथाडी कामगार आघाडी प्रदेश अध्यक्ष सचिन दोनगहू, शिवशाही व्यापारी संघ प्रदेश उपाध्यक्ष, मंगेश डाखोरे, दिलित स्वयम संघ संघाचे मा. प्रमुख सोपान चव्हाण, साहित्यरत्न लोकशाहीर अण्णा भाऊ साठे प्रबोधन पर्व सचिव विशाल कसबे, प्रशांत बरल, शिवशक्ती भीमशक्ती लहुजी शक्तीचे प्रणेते गुलाबराव गरूड, बालाजी गवारे, काशिनाथ हतागळे, मधुकर गवारे, आप्पासाहेब खवले, विलास रूपटक्के, संदिपान अल्लाट, माथाडी कामगार नेते आंबा मांढरे आदी प्रमुख पदाधिकारी उपस्थित होते
तसेच कार्यक्रमास हिंदू मातंग सेना व शिवशाही व्यापारी संघाचे पदाधिकारी, कार्यकर्ते व परिसरातील नागरिक मोठ्या संख्येने उपस्थित होते.