प्रतिनिधी अनिरूद्ध चव्हाण पिंपरी चिंचवड दि. २० जानेवारी २०२४ आकूर्डी येथील अक्षय स्क्रॅप सेंटर या भंगार दुकानाला आग लागून त्यामधील मोठ्या प्रमाणात पुठ्ठे, प्लास्टिक स्क्रॅप, परफ्यूम बॉडी स्प्रे चे रिकामे कॅन, भंगार बॅटरी, घरगुती भंगार प्लास्टिक वस्तू आदी आगी मध्ये जळाले.
तत्पूर्वी भंगार दुकानाच्या आत मध्ये असलेल्या छोट्याशा पत्र्याच्या घरामध्ये राहत असलेले चार व्यक्ती पोपट आडसूळ (५०), संतोष चंनल(४५), श्रीकांत कांबळे (३२), नरेश चव्हाण (३८) आगीमध्ये भाजल्याने जखमी झाले सदर चारही इसमांना स्थानिकांनी रिक्षा द्वारे वायसीएम रुग्णालयात पाठविले होते.
घरामध्ये स्वयंपाक करत असताना मोठ्या प्रमाणात गॅस गळती झाल्याने आगीने भडका घेऊन आग लागल्याचे जखमी व्यक्तीकडून समजते. यावेळी प्राधिकरण उपग्निशमन केंद्र कर्मचारी यांनी वेळीच आग आटोक्यात आणली.
वायसीएम रुग्णालयातील अपघातग्रस्त रुग्णांचा तपशील – श्री.पोपट अडसूळ वय 60 पुरुष अंदाजे 20% भाजलेले आहेत, श्री.संतोष चव्हाण वय 45 पुरुष अंदाजे 35% भाजले, श्री.नरेश चव्हाण वय 38 पुरुष अंदाजे 10% भाजले, श्री.श्रीकांत कांबळे वय 32 पुरुष अंदाजे 5% भाजले असल्याचे समजते.
