भरारी महिला फाउंडेशनतर्फे विधवा महिलांसाठी हळदी-कुंकू सोहळा संपन्न..

प्रतिनिधी ​पिंपरी-चिंचवड दि. 27 जानेवारी 2026 सामाजिक बांधिलकी जपत आणि पारंपरिक रूढींना फाटा देत, काल भरारी महिला फाउंडेशनच्या वतीने विधवा महिलांसाठी विशेष ‘हळदी-कुंकू’ कार्यक्रमाचे आयोजन करण्यात आले होते. फाउंडेशनच्या अध्यक्षा आशाताई इंगळे यांच्या पुढाकाराने हा हृदयस्पर्शी सोहळा उत्साहात पार पडला.
​समाजातील विधवा महिलांना सन्मान मिळावा आणि त्यांना मुख्य प्रवाहात आणता यावे, या उदात्त हेतूने या कार्यक्रमाचे आयोजन करण्यात आले होते. याप्रसंगी उपस्थित महिलांनी एकमेकींना हळदी-कुंकू लावून आनंदाचा सण साजरा केला.
​कार्यक्रमातील प्रमुख उपस्थिती:
​या सोहळ्याला विविध क्षेत्रातील मान्यवर महिलांनी उपस्थिती लावून महिलांचा उत्साह वाढवला. यात प्रामुख्याने ​कोमल काळे (नगरसेविका), ​अनिता वर्मा (ह्युमन राईट्स प्रतिनिधी), ​डॉ. गीतांजली क्षीरसागर (वेदस्पर्श आयुर्वेद),
​तसेच संगीता कोकणे, अनिता पांचाळ, कविता काकडे आणि फाउंडेशनच्या इतर शेकडो महिला सदस्यांनीही कार्यक्रमाला उपस्थित राहून मोलाचे सहकार्य केले.