पनवेल, न्हावाच्या स्व.मैथिली पाटील यांच्या कुटुंबीयांचे महेंद्रशेठ घरत यांनी केले सांत्वन..
प्रतिनीधी सतिश वि.पाटील मुबंई दि. १४ जून २०२५ अहमदाबादमधील विमान अपघातात पनवेल तालुक्यातील न्हावा गावातील मैथिली मोरेश्वर पाटील हिचा दुर्दैवी मृत्यू झाला होता.
त्यामुळे न्हावा गावातील हवाई सुंदरी मैथिली मोरेश्वर पाटील हिच्या दु:खद निधनाने न्हावा गावावर शोककळा पसरली आहे…
काल काँग्रेसचे रायगड जिल्हाध्यक्ष तथा कामगार नेते महेंद्रशेठ घरत यांनी मैथिलीच्या कुटुंबीयांची न्हावा येथे जाऊन भेट घेतली…
न्हावा गावावर पसरलेली शोककळा पाहून महेंद्रशेठ घरत यांनाही तीव्र दुःख झाले. सांत्वन करताना ते म्हणाले, “गुरुवारी विमान अपघाताची घडलेली घटना अतिशय वेदनादायक आहे. न्हावा गावची कन्या या दुर्दैवी अपघात निधन झाल्याचे समजताच गावात स्मशानशांतता पसरलीय… मी सुद्धा ही घटना समजताच अस्वस्थ आणि दुःखी झालो आहे… काॅंग्रेसचा एक पूर्वनियोजित कार्यक्रम ठरला होता, पण तो या दुर्दैवी घटनेची माहिती मिळताच रद्द करण्यात आला आहे. जगभर मी प्रवास करतो, पण अशी घटना कधी घडली नाही… केंद्र सरकारने यांची गंभीर दखल घ्यावी. मैथिलीच्या कुटुंबीयांच्या मागे मी कायम आहे…”
यावेळी न्हावा गावचे माजी सरपंच तथा सामाजिक कार्यकर्ते जितेंद्र म्हात्रे उपस्थित होते. त्यांच्या चुलत भाचीची ती मुलगी आहे… यावेळी न्हावा गावच्या माता-भगिनीही उपस्थित होत्या.
