वाघोली-बकोरी रोडच्या दुरुस्तीबाबत नागरिक आक्रमक, रस्त्यावर मांडले ठिय्या आंदोलन..
प्रतिनिधी पुणे/वाघोली दि. २५ ऑगस्ट २०२५ वाघोली-बकोरी रोडची पावसामुळे दुरावस्था झाली आहे. गेल्या १३ वर्षापासून या रस्त्याची दुरावस्था झाली असून याठिकाणी खड्डे पडले आहेत. तर या मुख्यरस्त्याची होत असल्याने या रोडच्या दुरुस्तीसाठी रविवारी दि. २४ रोजी येथील नागरिक आक्रमक झाले होते. नागरिकांनी एकत्र येत मुख्य रस्त्यावरच ठिय्या मांडून रास्ता रोको आंदोलन करण्याचा प्रयत्न केला.
रस्त्याची दुरावस्था झाली असल्याने या ठिकाणी दररोज अपघात घडून नागरिकांना गंभीर जखमा होत आहेत तर वाहनांचे प्रचंड नुकसान होत असल्याच्या नागरिकांनी तीव्र भावना व्यक्त केल्या. रस्त्याबाबत न्यायालयीन रस्त्याची दुरुस्ती करण्यात यावी अशी मागणी यावेळी करण्यात आली. वाघोली पोलीस दाखल झाल्यावर त्यांनी प्रकरण सुरु असले तरी तात्पुरती नागरिकांचे म्हणणे ऐकून घेतले व वाहतूक सुरुळीत ठेवली. या परिस्थितीला जबाबदार असणाऱ्या बिल्डरवर गुन्हा दाखल करण्याची मागणी नागरिकांनी केल्यानंतर पोलिसांच्या वतीने नागरिकांचे जबाब घेण्यात येत आहेत तर संबंधित बिल्डरला याबाबत विचारणा केली आहे. वरिष्ठांच्या सूचनेनुसार वाघोली पोलिसांकडून गुन्हा दाखल करण्याबाबत कारवाई केली जाणार आहे.
हा प्रश्न सुटला नाही तर काही दिवसात आमरण उपोषण करण्याचा इशारा यावेळी उपस्थितांचेवतिने देण्यात आला आहे.
