“सत्य आहे, पण न्याय नाही” आजचा हा समाज राजकारण न्यायव्यवस्थेचा आरसा आहे. पण हा आरसा धूरकट झालाय..

प्रतिनिधी अविनाश देशमुख शेवगांव दि. २५ डिसेंबर २०२५ ही भावना का वाढतेय? आज अनेक नागरिकांना असे वाटते की अत्याचार डोळ्यांसमोर होतात, गुन्हे सिद्ध होतात
पुरावे असतात, पण तरीही  दोषींना शिक्षा होत नाही ? प्रकरणे वर्षानुवर्षे लांबतात शेवटी सर्व गणित भ्रष्टाचारावर येऊन थांबते,  जेव्हां सत्य थकते, तेव्हां समाज चिडतो. लहान मुलांवरील अत्याचार, बलात्कार, खून का वाढताहेत ?
ही केवळ गुन्हेगारी नाही, ही सामाजिक अपयशाची लक्षणे आहेत.
मुख्य कारणे:
१) शिक्षा होण्याची भीती उरलेली नाही
२) न्याय मिळायला प्रचंड उशीर
३) राजकीय हस्तक्षेप
४) पोलीस प्रशासनावर दबाव
५) पैसा, ओळख, सत्ता यांचा गैरवापर
गुन्हेगार घाबरत नाही, कारण व्यवस्था कमजोर झाली आहे. बारमाही निवडणुका : लोकशाहीचा उत्सव की विकासाचा वनवास? निवडणुका लोकशाहीसाठी आवश्यक आहेत,
पण आज त्या उत्सव न राहता राजकीय उद्योग बनल्या आहेत. आज वास्तव काय आहे?
२४×७ निवडणूक मोड
सतत प्रचार, रणनीती, सत्तासंघर्ष पाच वर्षे विकास नाही, फक्त पुढची निवडणूक
सत्ता चालू आहे, पण शासन थांबलं आहे.निवडणूक व्यवस्थापन (Election Management) विरुद्ध जनहित
आज राजकारणात पॅनल कसं बसवायचं,
विरोधक कसा फोडायचा, सत्ता कशी टिकवायची,
हे सगळं आहे,
पण-
शेतकरी तरुण महिला
कामगार यांचे प्रश्न मागे पडलेत. जनतेचा विषय नाही, जनता फक्त मतदार बनून उरली आहे. विकासाचे प्रश्न का प्रलंबित राहतात? शेतमालाला योग्य भाव का नाही? पीक विमा वेळेवर मिळत नाही बेरोजगारी वाढतेय महागाई आटोक्यात नाही?
रस्ते, पाणी, आरोग्य अजूनही प्रश्नच
कारण विकासासाठी इच्छाशक्ती लागत असते, प्रचारासाठी फक्त घोषणा.
सहकार क्षेत्र : आधारातून अड्डा कसा बनला? ज्या संस्था—
शेतकऱ्यांसाठी होत्या
सामान्य माणसासाठी होत्या त्या आज राजकीय पुनर्वसन केंद्र बनलेल्या दिसत आहेत.
निवडणुकीचे रणांगण सत्तेची कुरघोडी सहकार संपतोय, सत्ता फोफावतेय.

जनतेची भूमिका काय असावी इथून बदल सुरू होतो लोकशाही फक्त मतदानापुरती नाही. मत दिल्यानंतर प्रश्न विचारा कामाचा हिशेब, निधीचा वापर, आश्वासनांची पूर्तता, विकासावर चर्चा करा, प्रचारावर नाही काम काय झालं? कधी झालं? किती खर्च झाला? व्यक्तीपूजा सोडा, नेते बदलतात, धोरणं महत्त्वाची असतात. नेत्याला मालक समजाल, तर तो तसाच वागेल,
रोखठोक निष्कर्ष निवडणुका साधन आहेत, साध्य नाहीत, सत्ता बदलते,  पण व्यवस्था बदलत नाही   हेच दुर्दैव. जोपर्यंत
भ्रष्टाचाराला मूक संमती
अन्यायाला शांतता
निवडणुकीला अंधभक्ती
तोपर्यंत

– गुन्हे वाढतील

– अन्याय बळावेल

– विकास वनवासातच राहील जागृत नागरिक हीच खरी लोकशाही आहे.
असे मत सामाजिक कार्यकर्ते व पत्रकार अविनाश देशमुख शेवगांव यांनी व्यक्त केले.