हवेच्या गुणवत्तेत झालेली सुधारणा विचारात घेऊन बांधकाम प्रक्रिया पुन्हा सुरू करण्यास परवानगी..
प्रतिनिधी पिंपरी-चिंचवड दि.१७ नोव्हेंबर २०१३ हवेतील गुणवत्तेची पातळी गंभीर असल्याने महापालिका क्षेत्रातील बांधकाम व प्रक्रियेवर निर्बंध लागू करून १९ नोव्हेंबर पर्यत कामे थांबविणेबाबत आदेश निर्गमित झालेले होते. तथापि १३ नोव्हेंबर रोजी प्रकाशित केलेल्या आदेशानुसार मुख्य हॉटस्पॉट आणि जंक्शनवर पाणी शिंपडणे आणि फॉगिंग उपक्रम तीव्र करून एअर क्वालिटी इंडेक्स कमी करण्यासाठी परिश्रमपूर्वक उपाययोजना केल्या आहेत, त्यामुळे गेल्या तीन दिवसांत पातळीसह सुधारणा झाली आहे, मागील “गंभीर” पातळीपेक्षा लक्षणीय घट झाली आहे.
हे लक्षात घेऊन आणि ग्रेडेड रिस्पॉन्स ॲक्शन प्लॅनचे पालन करून, बांधकाम व प्रक्रियेवरील बंदी याद्वारे मागे घेण्यात आली असल्याचे आदेश आयुक्त तथा प्रशासक शेखर सिंह यांनी आज निर्गमित केले आहेत.
त्यानुसार नागरी मर्यादेत काम पुन्हा सुरू होऊ शकते. तथापि, बांधकाम कंपन्यांना हवेच्या गुणवत्तेच्या पातळीबाबत जागरुक राहण्याचे निर्देशही याद्वारे देण्यात आले आहेत आणि ए क्यु आय पातळीमध्ये कोणतीही बिघाड टाळण्यासाठी योग्य उपायांची अंमलबजावणी सुरू ठेवली पाहिजे.
पर्यावरण विभागाने नियुक्त केलेल्या भागात पाणी शिंपडणे आणि फॉगिंग उपाय सुरू ठेवणे आवश्यक असून अनुपालन सुनिश्चित करण्यासाठी, कोणत्याही उल्लंघनासाठी महापालिकेची पथके त्यांच्या संबंधित प्रभागांवर सतत देखरेख ठेवतील अशी माहिती आयुक्त शेखर सिंह यांनी दिली आहे.
