महान कॅप्टन भोंदूबाबाच्या हाती गायछापचा इडा..
महिला आयोगच्या अध्यक्षा कधी धरतात छत्री तर कधी धुवतात जोडा..
प्रतिनिधी सतिश पाटील मुंबई दि. २१ मार्च २०२६ सुनेत्रा पवारांचा पहिला मोठा निर्णय विरोधकांनी या प्रकरणी चाकणकरांच्या राजीनाम्याची मागणी लावून धरली. अखेरीस रुपाली चाकणकर यांना आपल्या पदाचा राजीनामा द्यावाच लागला.
मुंबई: भोंदूबाबा उर्फ कॅप्टन अशोक खरातला बलात्काराच्या प्रकरणामध्ये अटक करण्यात आली आहे. पण, या नराधम आणि विकृत अशोक खरात सोबत राज्याच्या महिला आयोगाच्या अध्यक्षा रुपाली चाकणकर यांचे पोटो आणि व्हिडीओ व्हायरल झाले होते. एवढंच नाहीतर रुपाली चाकणकर यांनी या बलात्कारी बाबाचे पाय सुद्धा धुतल्याचे व्हिडीओ समोर आले होते. विरोधकांनी या प्रकरणी चाकणकरांच्या राजीनाम्याची मागणी लावून धरली. अखेरीस रुपाली चाकणकर यांना आपल्या पदाचा राजीनामा द्यावा लागला आहे.
अशोक खरात प्रकरणामुळे रुपाली चाकणकर पुरत्या अडचणीत सापडल्या होत्या. दररोज नव नवीन व्हिडीओ आणि फोटो समोर येत होते. एवढंच नाहीतर राष्ट्रवादीतूनही या प्रकरणावर नाराजी व्यक्त केली. राष्ट्रवादीच्या नेत्या रुपाली ठोंबरेंनी तर उघडपणे चाकणकरांवर टीकेची संधी सोडली. सोबत शिवसेना उद्धव ठाकरे गटाच्या सूषमा आंधारे, व ॲड. अंजली दमानिया यांच्यामुळे काल संध्याकाळी राजकीय घडामोडींना वेग आला. चाकणकरांनी पोलीस महासंचालकांची भेट घेतली. या भेटीनंतर मुख्यमंत्री देवेंद्र फडणवीस यांनी चाकणकर यांना तातडीने राजीनामा देण्याचे आदेश दिले.
मुख्यमंत्र्यांच्या आदेशानंतर महिला आयोगाच्या अध्यक्षा रूपाली चाकणकर देवगिरी बंगल्यावर दाखल झाल्यात. उपमुख्यमंत्री सुनेत्रा पवार यांची भेट घेतली. या भेटीमध्ये चाकणकर यांनी आपली बाजू मांडली. त्यानंतर उपमुख्यमंत्री आणि राष्ट्रवादीच्या अध्यक्षा सुनेत्रा पवार यांनी चाकणकर यांचा राजीनामा स्वीकारला. आता पुढे काय होते या कडे सर्वांचे लक्ष लागून आहे. आजच्या विज्ञान जगात असे भोंदू बाबा, भविष्य वाणी यांच्या नादी लागून आयुष्याची राख रांगोळी होते. अशा प्रकाराला आळा बसला पाहिजे आणि सर्व बाबा व भविष्य वाणीवाले यांची सखोल चौकशी व्हावी. असे सवे सामान्यांना वाटते.
